8 أخطاء شائعة بتدمر الفتيس الاوتوماتيك وازاي تأمن نفسك؟

الفتيس الاوتوماتيك يعتبر مريح عن الفتيس اللي في العربيات المانيوال وسهل كمان لكن في أخطاء كتير ممكن تعملها بتدمر الفتيس الاوتوماتيك بسرعة فخلي بالك منها كويس.

1-   التعامل الغلط مع فرامل اليد

استخدام فرامل اليد "الهاند بريك" قبل ما العربية تقف خالص من الحاجات الغلط، وبلاش ترفعها جامد لفوق علشان لما تيجي ترجعها ترجع معاك بسهولة بدون أي أضرار فيها.

2-   النقل السريع بين حروف الفتيس

لما تيجي تركن عربيتك اوعى تنقل تروس الفتيس الاوتوماتيك بسرعة منD  إلى R أو العكس والعربية بتكون لسه ماشية لأن بيحصل ضرر في علبة التروس، ولازم تستنى لما العربية تقف خالص.

3-   نقل الفتيس أثناء السرعات

من المشاكل المشهورة اللي الناس بتعملها في الفتيس الأوتوماتيك إنك تنقل بين حروفه أثناء السرعات زي إنك تنقله من N وترجعه لوضع D  لما العربية تكون ماشية بسرعة ودا بسبب مشاكل مع الوقت.

لما أعمل تأمين على عربيتي ايه هي المواقف اللي بيغطيهالي التأمين، إيه هي الـ 8 مواقف اللي يغطيها التأمين على العربية؟

4-   دواسة البنزين والفتيس

مش صح إنك تدوس على دواسة البنزين في الأول وبعدين تجيب الفتيس على الـ D بسرعة لأن دا خطر جدًا ومش صح على علبة التروس.

خلي بالك مش صح إن زيت الفتيس الاوتوماتيك يقل عن المستوى الطبيعي بتاعه

5-   اهتم بمستوي زيت الفتيس الاوتوماتيك

خلي بالك مش صح إن زيت الفتيس الاوتوماتيك يقل عن المستوى الطبيعي بتاعه، وكمان لازم تراعي تغييره كل 150 ألف كم أو كل 3 سنين على الأقل.

6-   ماتجيبش الفتيس على p قبل ما تقف

علشان تتجنب المشاكل اللي ممكن تحصل في الفتيس الاوتوماتيك بلاش تجيبه على الوضع P قبل ما تقف العربية تمامًا علشان تتجنب تلف التروس و خصوصا قفل الأمان، ودي الأداة اللي بتقفل الفتيس الاوتوماتيك علشان تمنعه من التحرك لقدام أو لورا في حالة الركن.

7-   ركن العربية علي الـ P

من الحاجات اللي بتدمر العربية لأنه بينقل حمل العربية الكلي على ترس الفتيس.

8-   وضع  الفتيس على N في إشارات المرور

ناس كتير فاكرة إن وضع الفتيس الاوتوماتيك على N أثناء التوقف بيقلل من استهلاك البنزين، الأصح إنك تجيب الفتيس على D لأن كتر النقل بين الحروف كتير في مدة قليلة بيدمر الفتيس.

تعمل ايه لو عربيتك اتخبطت أو عملت أي حادثة؟ ما تقلقش التأمين يقدر يعوضك احصل على تأمين السيارة دلوقتي من خلال فايدتي في ثواني!