قارن بين أفضل عروض التأمين ضد الحوادث الشخصية

ما هو التأمين ضد الحوادث الشخصية؟     

هو تامين بيحميك ضد الحوادث في اي مكان داخل جمهورية مصر العربيه في حاله وقوع

• إصابة تحتاج إلى المصاريف الطبية.
• العجز الجزئي المستديم.
• العجز الكلي المستديم.
• العجز الكلي المؤقت لمدة محددة (تمنح دفعات أسبوعية).
• الوفاة.

أمثلة على الحوادث الشخصية:

• حادث سير.
• حادث حريق.
• أي كسر ناتج عن حادث.

تغطية التأمين ضد الحوادث الشخصية:

بوالص التامين بتغطي 5 أنواع من الاخطار:

1- العجز الكلي الدائم

 شروط دفع التعويض:

• إن الحادثة متخليش الشخص قادر يشتغل في مجاله اللي دخله معتمد عليه.
• المؤمن عليه يطلب التعويض في وقت الحادثة والشركة بتدفع التعويض في خلال 12 شهر من الحادثة.
• الشركة بتدفع 100% من مبلغ تأمين الحوادث الشخصية.

2- العجز الكلي المؤقت

شروط دفع التعويض المالي:

• لو الحادثة منعت الشخص من الشغل في نفس المهنة بتاعته لمدة وصلت من أسبوع لـ52 أسبوع.
• لو بعد 52 أسبوع فضل العميل مش قادر يمارس مهنته العجز بيتحول من عجز كلي مؤقت لعجز كلي دائم.
• التعويض بيتحدد على اساس الراتب الأسبوعي للمؤمن عليه، وبيوصل لـ 52 أسبوع كحد أقصى، أو 1% من مبلغ التأمين، والشركة بتختار المبلغ الأقل.

3- العجز الجزئي الدائم

شروط دفع مبلغ التأمين:

• لازم العجز اللي حصل يكون من ضمن العجوزات المحددة في جدول التعويضات
• طلب التعويض بيكون خلال 12 شهر من الحادثة
• الشركة بتدفع نسبة من مبلغ التأمين حسب نسبة العجز المدرجه في جدول بوليصه التامين

4- الوفاة

تفاصيل دفع التعويض:

• لو الحادثة أدت لوفاة المؤمن عليه، شركة التأمين بتدفع 100% من مبلغ التأمين
• الشركة بتدفع المبلغ للمستفيدين أو الورثة اللي مكتوبين أسماؤهم في بوليصة التأمين

5- إرجاع النفقات الطبية نتيجة لحادث

في الحالة دي بيكون العميل دخل المستشفي نتيجة حادثة ودفع مصاريف علاج، فبيودي فواتير المستشفى لشركة التأمين و هيا بترجع له الفلوس اللي صرفها على حسب مبلغ التأمين المتفق عليه.

إيه الفرق ما بين التأمين ضد الحوادث الشخصية والتامين على الحياة؟

تأمين الحوادث الشخصية بيأمن الإصابات بأنواعها والوفاة الناتجة عن الحوادث، لكن التامين على الحياة بيأمن بس الوفاة أي إن كان سببها، ومش بيغطي كل الإصابات.

المعلومات اللي محتاج تقدمها عشان تعمل وثيقة تامين ضد الحوادث الشخصيه

• معلومات شخصيه:
  • العمر
  • الوظيفه
• الاوراق المطلوبه
  • بطاقه الرقم القومي

ازاي تختار ما بين شركات التأمين ضد الحوادث الشخصيه ؟  

1. ادخل المعلومات المطلوبه داخل خانه البحث في موقع فايدتي للوساطة في التامين
2. قارن بين العروض المختلفه من شركات التامين
3. اتاكد انك عارف مزايا بوليصه التامين مش بس السعر زي
   • الشبكه الطبيه
   • نسبه سداد المصاريف الطبيه