قارن بين أفضل عروض التأمين على المنازل

احصل على أفضل نظام تأمين منازل وأمن على بيتك

ايه هو التأمين على المنازل؟

تأمين المنزل هو عبارة عن تأمين بيحمي بيتك إذا اتعرض لأي حادث مفاجئ، والتأمين هنا بيضم التشطيبات والمباني والمنقولات والمفروشات وبتختلف نسب التأمين من شركة للتانية.

أما بالنسبة للحادث المفاجئ فبيكون بسبب:

العواصف والرياح والزلازل والفيضانات (الكوارث الطبيعية)
الصواعق والحريق والانفجارات
حوادث المياه المفاجئة اللي بتندفع من المواسير أو أي تسرب مائي ضخم(المياه العذبة بس)
التعرض للسرقة أو الأفعال التخريبية من خارج غير أفراد الأسرة أو الأفراد اللي في خدمتها

وشرط أساسي قبل ما تأمن على بيتك إنه لازم تكون أنت صاحبه أو معاك ما يثبت إنه ملكك فمثلُا في حالة التمويل العقاري، البنك الممول بيكون عنده إثباتات إنك أنت اللي بتدفع الأقساط وبالتالي أنت صاحب العقار.

أمثلة على الحوادث اللي بيغطيها التأمين على المنازل:

حريق ناتج عن ماس كهربائي
السرقة من غير أفراد الأسرة أو الأفراد اللي فى خدمتها

ازاي بيتحدد أسعار تأمين المنازل؟

بيتم تحديد مبلغ تأمين العقار على أساس قيمة المبني من غير تغطية قيمة الأرض.

ودا بيعني إن مبلغ التأمين بيشمل قيمة المباني "بدون الأرض" + قيمة التشطيبات والمفروشات.

ايه هي الحالات اللي مش بيغطيها التأمين على العقار؟

حالات الحوادث المتصلة مباشرة أو حتى بشكل غير مباشر بالحاجات دي:

1- أي ممتلكات متخصش المؤمن له: الممتلكات اللي مش مسئول عنها بشكل قانوني.

2- أي تلفيات قام بيها حد من أفراد الأسرة أو اللي في خدمتهم.

3- أي تلفيات حصلت للمبني أو محتوياته وهو مسكون أو مأجر للغير من غير إعلام شركة التأمين.

4- أي تلفيات حصلت للمبنى أو محتوياته وهو فاضي لمدة أكتر من 30 يوم متصلة من غير إعلام شركة التأمين.

5- أي تلفيات سببها عمل إرهابي أو الحروب أو الإشعاعات النووية.

المعلومات اللي محتاج تقدمها عشان تعمل وثيقة تامين علي المنازل:

معلومات المنزل:
- قيمه المنزل
الاوراق المطلوبه
- بطاقه الرقم القومي

ازاي تختار ما بين شركات التأمين على المنازل؟

ادخل المعلومات المطلوبه داخل خانه البحث في موقع فايدتي للوساطة في التامين
قارن بين العروض المختلفه من شركات التامين
اتاكد انك عارف مزايا بوليصه التامين مش بس السعر زي
- نسبه التحمل من قيمه مبلغ التغطيه
- قيمه مبلغ التغطيه