هو‌ ‌الواحد‌ ‌محتاج‌ ‌التأمين؟‌ ‌

ثقافة التأمين في مصر ممكن تكون جديدة شوية، رغم إن في بلاد كتير التأمين بيبقى جزء كبير من حياة المواطنين، فتلاقي إن الواحد منهم مأمن على البيت، والعربية، وأي ممتلاكات قيمة، بس هل دي مبالغة ولا فعلاً الواحد محتاج التأمين؟

في أنواع كتير من التأمين، بس أهمها:

1. التأمين على الحياة

2. التأمين على الصحة

3. التأمين على الممتلكات

هو التأمين على الصحة مش فال وحش؟

في ناس بتتشائم من التأمين، وبيقولوا لو فعلاً أمنوا على حياتهم أو صحتهم، فهم كدة بيأكدوا إن في مصيبة هتحصل، بس في الحقيقة التأمين على الصحة مفيد لو أنت مسئول عن عيلة، لإن في حالة لقدر الله لو حصلك حاجة ومقدرتش تشتغل، التأمين بيوفرلك تعويض، وفي نفس الوقت بيساعدك في دفع المصاريف الطبية.

التأمين مفيد عشان ما تقلقش على مستقبلك أو مستقبل عيلتك

هل في قوانين بتجبر الواحد على التأمين على ممتلكاته؟

لغاية دلوقت لا، بس كان في مشروع قانون مطروح في البرلمان عشان كل مواطن يبقى ملزم بالتأمين على عربيته والمحلات التجارية، وكان في حتى مشروع مطروح للتأمين ضد الطلاق.

مميزات التأمين:

1. مش محتاج تقلق إن حاجة ممكن تحصل ليك أو ممتلكاتك لإنك عارف إن في حد هيشيل معاك التكاليف.

2. ممكن تعمل بوليصة لتأمين مستقبل أطفالك التعليمي عشان يغطي مصاريف كل مرحلة تعليمية لأطفالك في حالة إن حصل لك حاجة.

3. التأمين على العربية بيساعدك في تسديد التكاليف الناتجة عن أي حوادث، وعلى حسب طبعاً البوليصة.

الملخص:

التأمين مفيد عشان ما تقلقش على مستقبلك أو مستقبل عيلتك، بس طبعاً هي مسئولية مالية زيادة عليك، فلازم تشوف أنهي نوع تأمين هيناسبك، ومش هيحط عبء عليك وعلى ميزانيتك.

احصل على التأمين دلوقتي من مكانك من خلال فايدتي!