هتسافر تركيا بكام؟ مصاريف الفيزا والطيران والإقامة للمصريين!

بتفكر تسافر تركيا وعاوز تعرف التكلفة الإجمالية هتكون كام؟ هنقولك على كل التفاصيل و ازاي تدلع نفسك في حدود المعقول، وكمان تستفاد من هبوط سعر الليرة التركية الفترة الأخيرة وهنجيبلك تكلفة حاجات كتير هتسهل عليك الحسبة.

الفيزا والتصريح الأمني:

بتطلع فيزا من المكتب اللي تبع السفارة ودا موجود في الدقي اسمه MZ وبتطلع بـ 125$ "بتاخد حوالي 3 أسابيع" أو ممكن تطلعها أونلاين لو معاك فيزا أمريكا أو أوروبا سارية وبـ 30 دولار بس وكمان بتطلع أسرع، وبعدها بتطلع تصريح أمني في العباسية.

أقل إقامة في الليلة بتكون حوالي 30 دولار في اليوم، والأعلى بتوصل لـ 200 دولار 

أسعار الطيران والإقامة:

أفضل سعر للطيران من الغردقة مش من مطار القاهرة وكمان لو اخترت طيران تركي  هيكون أفضل طيران ليك زي بيجاسوس Pegasus، ومتوسط تكلفة الطيران هتكون في حدود من 2800 لـ 3200 جنيه.

أما بالنسبة للإقامة سعرها بيتراوح على حسب مكان الفندق اللي هتقعد فيه في اسطنبول ومدى بعده من ميدان تقسيم، يعني كل ما هتقرب من الميدان كل ما السعر هيكون اغلى لكن كل ما هتكون في شوارع جانبية بعيدة عن الميدان هيكون السعر أقل وأنسب ليك.

أقل إقامة في الليلة بتكون حوالي 30 دولار في اليوم، والأعلى بتوصل لـ 200 دولار في اليوم زي الإقامة في فندق إنتركونتيننتال.

رحلات سياحية:

ومن أبرز الرحلات السياحية اللي بتتنظم هناك مدينة بورصة ومدينة سبانجا الحاجات دي بتكون بعيدة عن اسطنبول، والرحلة بتتكلف حوالي 150 ليرة بالغداء وبيكون مشاوي.

لو عايز تسافر بس الكاش مش جاهز معاك ممكن تطلب قرض شخصي؟ اعرف أكتر من هنا، ياترى فكرة كويسة إنك تقدم على قرض شخصي عشان تسافر؟
 

وممكن تسهلها على نفسك وتسافر مع شركة هتنظملك الرحلة بالكامل زي شركة كاردينال للسياحة  حاليًا بتنظم سفرية لتركيا والسفر هيكون من مطار الغردقة 6 أيام بـ 5 ليالي، والرحلة بتكون شاملة الطيران والتنقلات هناك في اسطنبول من وإلى المطار، والسعر بيبدأ من 6600 جنيه.

ممكن كمان تدخل على موقع “يلا ترافيل” تحدد بنفسك المكان وعدد الأفراد والغرف وتعرف الأسعار في تركيا حاليًا بكام من هنا

لو عايز تعرف هتتفسح فين هناك ممكن تقرأ هنا، افضل أماكن الفسح والأكل والشوبينج فى تركيا فى بداية 2022!