بدايل لاستخدام عربيتك فى اليوم العالمي Car Free Day!

تخيل كده قبل اختراع العربيات الدنيا كانت هادية ازاي والتلوث فى الشوارع كان أقل، وطبعا استحالة تلاقي شوارع زحمة بالطريقة اللي عارفينها دلوقتي، وهو ده السبب فى الاحتفال باليوم العالمي للاستغناء عن السيارة Car Free Day النهاردة 22 سبتمبر.

وبمناسبة اليوم ده هنقول لك على شوية بدايل لاستخدام عربيتك فى مشاويرك اليومية

1- المشى!

 اتمشي المشاوير القريبة واعتبرها رياضة يومياَ على استرخاء/ Meditation، على توفير طبعاً.

2- اركب عجل! 

لو  معظم مشاويرك مش بعيدة وبتعرف تركب عجل تبقى هي دي اختيارك المثالي، بسبب مميزاتها، اللي هي:

وفر فلوسك! 

العجلة مش بتحتاج بنزين ولا ركنها هيحتاج سايس، يعني من الاخر مش هتدفع فيها أكتر من تمنها.

لو لسه مجبتش عجلة قدم دلوقتي علي بطاقة الائتمان مع فايدتي واشتري العجلة اللي نفسك فيها.

العجل يعتبر صديق للبيئة

وفر وقتك!

فى عز الزحمة هتلاقي ناس بتأخد الطريق أبو ساعة فى نص ساعة بس عشان راكبين عجلة

إلعب رياضة!

سيبك بقي من اشتراك الجيم اللي بتدفعه كل شهر، مع العجلة هتمارس الرياضة كل يوم ببلاش 

هتحافظ على البيئة!

 اسوء حاجة فى العربيات العوادم اللي بتطلع منها، وده بعكس العجل اللي يعتبر صديق للبيئة.

اعرف أكتر عن فوايد استخدام العجل من هنا، ازاى توفر وتستفيد بالعجلة بتاعتك! 

الحكومة بتساعدك!

فى مبادرة حكومية اسمها " دراجة لكل مواطن" أو " دراجتك صحتك" طرحت فى المرحلة التالتة فى صيف 2021، 3200 عجلة بأسعار بتبدأ من 1,909 جنيه لـ 12,000 جنيه على حسب نوع العجلة. اعرف أكتر عن المبادرة وقدم عليها دلوقتي.

3- اركب اتوبيس!

 أكيد الاتوبيسات ليها نفس عيوب العربيات من ناحية العادم والدخان اللي بتطلعه، لكن على الأقل مع استخدام الأغلبية ليها الزخمة هتقل وعدد العربيات الموجودة فى الشارع هيقل وبالتالي كمية العوادم هتقل شوية!

لو عايز تعرف مين احسن شركة أتوبيسات ممكن تركب معاها ممكن تقرأ هنا، قارن وقرر، هتركب إيه أوبر باص ولا سويفل ولا الميكروباص؟