ازاى توفر في مواصلاتك في مشاويرك اليومية؟

كل نهاية شهر بنسأل نفسنا سؤال مفيش غيره هو المرتب راح  فين؟! طبعا الإجابة واضحة لأن اغلبنا بيضيع فلوسه على أوبر أو التاكسي عشان يلحق شغله أو مشاوريه في العموم، بس الكلام ده مينفعش ولازم تمسك أيدك عشان تقدر تكمل باقي الشهر من غير ما تزنق نفسك وكمان تقدر تحوش!

وبمناسبة ان النهارده 2 أبريل اليوم العالمي لـ Walk to Work Day هنقولك على 5 طرق هتساعدك توفر في فلوس مواصلاتك.

1- المشى!

لو شغلك قريب من البيت ممكن تستغل الفرصة دي وتنزل بدري شويه وتروح الشغل مشي وبكده مش هتصرف كتير وتوفر فلوسك في حاجة أهم، وهتبقي مارست شوية رياضة صباحية.

2- اركب عجل!

لو معظم مشاويرك جنب البيت وبردو بتدفع في مواصلات أو أوبر، فـ ممكن بالفلوس دي وأقل من اللي بتصرفه كمان في الشهر تشتري عجلة وتبقى وفرت فلوسك وعملت شوية رياضة.

مش هنقولك خليك في المواصلات العامة عشان أرخص، بس خليك مع الاتوبيسات اللي بتأخدك طريق طويل بسعر بسيط

3- اشتري عربية!

لو معاك قرشين وعمال تصرف منهم مواصلات كل يوم وكمان بتزود عليهم عشان تعرف تلاحق على مصاريفك، ممكن تاخد الفلوس دي وتدفع بيهم مقدم وتكمل الباقي بقرض عربية وبكده تبقى استثمرت فلوسك في حاجة هتريحك من زحمة المواصلات.

قبل ما تقدم على قرض عربية، تقدر تقارن البنوك المختلفة وأسعار فايدتها علي موقع فايدتي.

4- أوبر باص وسويفل!

مش هنقولك خليك في المواصلات العامة عشان أرخص، بس خليك مع الاتوبيسات اللي بتأخدك طريق طويل بسعر بسيط زي أوبر باص وسويفل، وعلي فكرة كل ما تتابع معاهم هيجيلك offers أكتر.

لو عايز تعرف مين فين أحسن لك ممكن تقرأ هنا، قارن وقرر؟ أوبر باص وسويفل والميكروباص من التحرير للقرية الذكية!

5- أوبر ولا كريم؟!

لو مزنوق أوي في مشوار شيك ومحتاج تطلب تاكسي، يبقي يستحسن تستخدم أوبر أو كريم وتستغل الـ offers  بتاعتهم.

أما لو مش عارف تقارن ما بينهم فأحنا عملنا المقارنة دي قبلك وتقدر تاخدها على الجاهز من هنا، مين يكسب؟ اوبر ولا كريم؟