رسوم استخراج رخصة قيادة خاصة 2022 وازاي تعدي الامتحان؟

تاريخ النشر: 23 يونيو 2022

الكشف الطبي بيكون عبارة عن ايه؟

ايه هي الأوراق المطلوبة علشان تستخرج رخصة قيادة خاصة؟ وتكلفة إصدار رخصة القيادة 2022 بتكون كام؟ وينفع تروح أي وحدة مرور وخلاص؟ والامتحان بيكون عبارة عن ايه؟

الأوراق المطلوبة لاستخراج رخصة سواقة خاصة

لازم تكون تميت الـ 18 سنة.
تكون معاك بطاقة سارية.
تروح وحدة المرور التابعة ليك "حسب عنوانك اللي موجود في البطاقة".
تكون بتعرف تقرأ وتكتب يعني معاك أي شهادة حتى لو ابتدائية أو محو أمية، الفكرة إنهم عاوزين أي إثبات إن بتعرف تقرأ وتكبت.
لو مكتوب في البطاقة الشخصة بتاعتك إنك حاصل تعلى أي مؤهل يبقى خلاص مش لازم تروح بالشهادة.

اعرف أكتر عن لوحات السيارات من هنا: شراء لوحات سيارات من المرور مصر

لو الحاجات دي متاحة هتعمل الخطوات دي

أصل البطاقة الشخصية وصورها صورتين.
4 صور شخصية، ومش هي دي اللي بتكون في الرخصة لأنك هتتصور هناك، الصور اللي بتروح بيها دي علشان يفتحوا بيها ملف ليك.
أصل المؤهل لو مش مثبت في البطاقة أي مؤهل.

الكشوفات الطبية لإصدار رخصة القيادة

بعد ما بتروح وحدة المرور التابعة ليك وبيكون معاك كل الأوراق اللي قولنالك عليها بتدخل على الكشف الطبي "الباطنة والنظر".
دلوقتي موجود جوا كل وحدات المرور الكشف الطبي دا، قبل كدا كنت ممكن تعمله برا وبتروح بيه المرور.
وبعدها بياخدوا منك فصيله دم.

اقرأ كمان عن إصدار رخصة العربية من هنا: مصاريف وخطوات استخراج رخصة قيادة خاصة 2022

الامتحان العملي

ودا من أهم الخطوات لإصدار رخصة سواقة خاصة إنك تعدي الاختبار العملي.
الاختبار دا بيكون عبارة عن أقماع محطوطة بشكل معين وبتتحرك ما بينها رايح جاي زي ما بيتطلب منك.
الامتحان العملي بيختلف من وحدة مرور للتانيية لكن مثلًا في وحدة مرور الجيزة بتلاقيهم حاطين الأقماع على شكل حرف s وأوقات حرف u وأشكال تانية في باقي الأماكن.

اتفرج ع الفيديو دا واعرف أكتر عن اختبار الأقماع من هنا

ولازم تمر ما بين الأقماع دي من غير ما توقع حاجة، وكمان تدرب على الشكل بتاع الامتحان، ولو سقطت في أي حاجة فيهم هتقدر تعيد الامتحان بعد أسبوعين وهتكون عرفت أخطائك.

ايه هي الخدمات الإلكترونية اللي تعرف تحصل عليها من وحدات المرور؟ اعرف من هنا: 5 خدمات بتقدمهالك وحدات المرور الإلكترونية