تأمين النجوم: العندليب بـ 50 ألف والزعيم بـ 20 ألف جنيه

تعرف إن في نجوم مصريين كتير في الوسط الفني مأمنين على نفسهم؟ يعني مثلًا عبد الحليم حافظ أمن على صوته بـ 50 ألف جنيه ونور الشريف أمن بخمسة آلاف جنيه وكمان الزعيم عادل إمام أمن بـ 20 ألف جنيه.

يقال أن هيفاء وهبي في بعض التقارير قالت إنها أمنت على حياتها وجسمها بمبلغ مليار دولار.

يا ترى ايه أشهر أنواع التأمين في مصر: إيه هي أشهر أنواع التأمينات في مصر؟

 نتكلم شوية عن تأمين المشاهير العالميين

-أعلى بوليصة تأمين للديفا "ماريا كاري" قيمتها بدأت بـ 810 مليون دولار و دلوقتي وصلت 1.035 بليون دولار متقسمين ما بين تأمين على صوتها وعلى أجزاء جسمها مننساش برده أنها كانت الوجه الإعلامي for the "Legs of A Godess" campigen 
 

مشاهير الكرة كلهم مأمنين على رجليهم طبعا مثلا

- دافيد بيكهام: مأمن على رجليه بمبلغ 159 مليون دولار.

- كريستيانو رونالدو: مأمن على رجليه بمبلغ 90 مليون دولار.

- أمريكا فيرارا اللي كلنا عارفينها بأسم "Ugly Betty" شبكة ABC أمنت على ضحكتها ( سنانها) ب 10 مليون دولار 

- فرناندو ألونسو (بطل فورميولا) مأمن على الإبهام بمبلغ 15 مليون دولار ومش بس علشان الإبهام مهم في السواقة و بيأثر عليه لا كمان بقى his signature when he wins (a sign of victory

- دانيال كريج " جيمس بوند"  من المعروف أن المشاهير بيستعينوا بدوبلير علشان يعملوا المشاهد الخطرة لكن دانيال بيعمل المشاهد دي بنفسه وحصلتله إصابة فعلًا فأمن على نفسه بـ9.5 مليون دولار 

- نختم بقى باللي ابتدت فكرة تأمين المشاهير "بيتي جرابل" ممثلة أمريكية اتولدت 1916 و ماتت 1973 و كانت مشهورة بجمال رجليها واتشهرت أكتر لأنها كانت أول ممثلة تأمن على رجليها سنة 1943 بمليون دولار وعلشان كده أطلق عليها "the most expensive legs in history".

تعرف ايه عن تأمين العربية؟ اعرف أكتر من هنا: يعني إيه تأمين عربية؟ وايه أسهل طريقة للتقديم؟

نجوم الوسط الفني في مصر

العندليب الأسمر عبدالحليم حافظ: أمن على حنجرته بمبلغ 50 ألف جنيه لأنه كان خايف صوته يتأثر بالطقس المتقلب في مصر.

المخرج والممثل سعد أردش: أمن على حياته 1000 جنيه.

نور الشريف: اشترى وثيقة للتأمين على حياته بقيمة 5000 جنيه.

حسين فهمي: في التمانينات اشترى وثيقتين تأمين واحده ليه والتانية لأولاده بقيمة كل واحدة 20 ألف جنيه.

من الوسط الفني برضو أمنت ميرفت أمين ونادية لطفي وزبيدة ثروة وماجدة الخطيب.

اعرف أكتر عن تأمين البيت من هنا: يعني إيه تأمين على البيت؟ وايه هي أهميته؟

عادل إمام مأمن على نفسه

ليلى علوى: أمنت على حياتها بقيمة 10 ألف جنيه.

الفنان عادل إمام: أمن على نفسه بقيمة 20 ألف جنيه.

الفنان مصطفى متولي: أمن على حياته بقيمة 100 ألف جنيه، والورثة استفادوا من التعويض.

اعرف أكتر عن التأمين الصحي من هنا: يعني ايه تأمين صحي شامل؟ وايه هي مميزاته؟

محمد فؤاد وعمرو دياب: كل واحد فيهم مأمن على نفسه بـ 2000 جنيه في منتصف التمانينيات.

مش بس كدا كمان في نجوم كتير في الوسط الفني والرياضي من المشاهير عمومًا مأمنين على عربياتهم وممتلكاتهم.

مش نجوم الفن بس اللي مأمنين على نفسهم في نجوم الكرة برضو اعرف أكتر من هنا: 6 لاعيبة كرة قدم مأمنين على ايديهم ورجليهم!