Copywriter vs Content Creator: ايه الفرق ما بينهم؟

ناس كتير وهي بتقدم على وظايف بتتلغبط بين 2 من أهم المسميات الوظيفية في عالم التسويق الإلكتروني وهما الـ copywriter والـ content creator، فايدتي هتقولك على الفروقات ما بينهم وايه المهام الوظيفية اللي مطالب بيها كل واحد فيهم.

اقرأ كمان: 5 مواقع هتساعدك إنك تزود دخلك من البيت!

شغل الـ   Copywriter عبارة عن ايه؟

الكوبي رايتر هو الشخص اللي بيبيع كلام بغرض تسويق منتج أو خدمة معينة، وفي الأساس الـ Copywriter حرفته كتابة الكلام بهدف إنه يشجع اللي بيقرأ يختار المنتج أو الخدمة (يعني بالبلدي يشتري).

الكوبي رايتر من المهن القديمة في مجال التسويق في العالم كله، ومطلوب في كل المؤسسات لأن بيكتب ويسوق، وبيستهدف فئة معينة من المستهلكين علشان يحفزهم ياخدوا إجراء.

يعني خلينا نقولك إجمالًا إن المهام الوظيفية لـ Copywriter والغرض الأكبر هو البيع.

اعرف أكتر: مين بيكسب أكتر fulltime ولا freelancer؟ Content Writer

طبيعة شغل Content Creator/ Content Writer عاملة ازاي؟

الـ Content Creatorأو Content Writerنفس المهام الوظيفية ونفس الشخص بس المسمى مختلف لكن هنا الاتنين بيعملوا نفس الحاجة، وبيكون الشخص دا مسئول عن خلق محتوى بيخاطب الجمهور علشان ينتبه لمنتج أو خدمة معينة.

المحتوى دا بيكون طبعًا محتوى قيم وبيكون موجود في مقالات أو سكريبت مقروء أ فيديو أو بوست على السوشيال ميديا Social Media Posts.

وخليك فاكر إن المحتوى اللي بيقدمه الكونتنت كرياتور في الغاب بيكون عن طريق الانترنت وبأشكال مختلفة وعلى وسائل تواصل اجتماعى متغيرة كمان، وبيكون المحتوى مقروء أو مسموع أو حتى مرئى (صور/تصميم /فيديو).

العمل الحر من الانترنت اعرف أكتر عنه من هنا: ازاي تكسب من الشغل على الانترنت

ايه اللي بيشغل بال الـ content creator طول الوقت؟

إنه يدور ويعمل بحث كويس قبل ما يكتب موضوعاته ويقدمها للجمهور وبيراعي طبعًا الاستايل بوك بتاع المكان اللي شغال فيه وايه نوع الكتابة اللي بيقدمها: مقال / بوست أو سكريبت.

اقرأ كمان: ازاي تكسب فلوس عن طريق مواقع الـ Social Media المختلفة؟

Copywriter vs Content Creator: ايه الفرق ما بينهم؟

الفرق بين الكوبي رايتر والكونينت كرياتور مش كبير لأن شغل الاتنين قائم على البحث وتكوين محتوى جودته عالية علشان يجذب الجمهور سواء بهدف البيع أو على سبيل لفت الانتباه والانتماء لمنتج الشركة أو الخدمة اللي بتتقدم.

لكن خلينا نقولك إن الكوبي رايتر تركيزه الأكبر بيكون على الإعلانات المباشرة والمحتوى القصير اللي بيتعلق في بال الجمهور.

أما الكونتنت كرياتور هو ببساطة تطور طبيعي لشغل الكوبي رايتير لأن ببساطة التسويق الإلكتروني بيحتاج تفاصيل أكتر وتقديم محتوى طول الوقت فيه قيمة حقيقية مش كله بيع وخلاص.