ايه الفرق بين تأمين الحوادث الشخصية والتأمين على الحياة؟

تختلف الأولويات بين كل شخص والتاني، بس لما بتحصل مشكلة وتؤثر على حياتنا أو صحتنا، ساعتها الأولويات تتساوى عند الناس، وبنشوف ايه الطريقة اللى هتنقذ بيها الموقف في أسرع وقت، بس في الحقيقة وقتها بيكون التأمين هو افضل حل هيساعدك، وهيخليك تعيش مرتاح من غير ما تفكر في بكره، بس تفتكر ايه أنواع التأمين اللى هتأمن بيها نفسك ومستقبل الناس القريبين منك؟

1- التأمين ضد الحوادث الشخصية

هي وثيقة يأمن فيها الشخص على نفسه ضد أي حادثة مش متوقعة ممكن تحصل زي: حادث سير، أو حريق، أو كسر ناتج عن حادثة.

وشركة التأمين بتدفع التعويض المالي في 5 حالات:

• إصابة تحتاج إلى مصاريف طبية
• العجز الجزئي المستديم
• العجز الكلي المستديم
• العجز الكلي المؤقت 
• الوفاة
   

احصل دلوقتي على تأمين الحوادث الشخصية من خلال فايدتي من مكانك!
 

مكان التأمين بيكون حسب التغطية التأمينية المتفق عليها في الوثيقة سواء بلد الإصدار أو بلاد معينة أو العالم كله

تفاصيل التأمين ضد الحوادث الشخصية:

• المؤمن عليه بياخد مبلغ التأمين لو اتعرض لأي حادثة.
• مكان التأمين بيكون حسب التغطية التأمينية المتفق عليها في الوثيقة سواء بلد الإصدار أو بلاد معينة أو العالم كله.
• في حالة الإصابة وعايز تغطي المصاريف العلاجية، الشركة بتدفع مصاريف العلاج بالنسبة المتفق عليها من مبلغ التأمين.

مدة تأمين الحوادث الشخصية:

• وثيقة تأمين الحوادث الشخصية بتكون سنة وتجدد

  التأمين على الحياة

وهنا الشخص يأمن على حياته لصالح المستفيدين اللى بيحدد أسماؤهم في وثيقة التأمين، ومدة التأمين بتبقي لفترة معينة مثلا لـ سن 65 أو 70 ومش بتفرق إذا كانت الوفاة حدثت بسبب حادث ولا طبيعية

التأمين مدى الحياة
 

في حالة ان الوفاة حصلت في خلال مدة التأمين، الشركة بتدفع التعويض المالي للمستفيدين اللى صاحب الوثيقة محددهم، ولو محصلتش الوفاة، الشركة مش بتدفع أي مبلغ، وبيبقى عندك فرصة تجدد الوثيقة لو حابب.

التأمين على الحياة والإدخار

وهنا بيبقى في ميزة انك ممكن تشوف نتيجة استثمارك بعينك، وطبعا قسط التأمين بيبقى أكبر، لأن الشركة بتدفع مبلغ التأمين في حالتين:
 

•  لو حصلت الوفاة خلال مدة التأمين، الشركة بتدفع التعويض المالي للمستفيدين 
• لو محصلتش الوفاة، فـ صاحب الوثيقة بياخد حساب الأستثمار بتاعه

لو عايز تعرف أكتر عن التأمين على الحياة اقرأ هنا، ايه هو التأمين على الحياة؟