التأمين على الممتلكات ولا على الحياة، تختار إيه!

كلنا معرضين نعدي بخطر في أي وقت، وكل اللي بنقدر نعمله وقتها أننا نقلل حجم الخساير، وده هيحصل بسهولة لو عملت تأمين. ومن أشهر أنواع التأمين اللي ممكن تحتاجه، التأمين على الحياة والتأمين على الممتلكات.

1- التأمين على الممتلكات:

وده من أهم الأنواع اللى ناس بتلجأ ليها عشان تغطي أي ضرر ممكن يحصل لممتلكاتها زي السرقة أو الحريق، وبيضم التأمين على البيوت والعربيات.

تفاصيل التأمين على الممتلكات:

• شركة التأمين بتعرف سبب الضرر اللى حصل للشيء المؤمن عليه وبتغطيه فى حالة السرقة والحريق والكوارث الطبيعية زي الأمطار الشديدة والعواصف.
• نسبة التغطية التأمينية بتتحدد على حسب قيمة الحاجة اللي بيتأمن عليها ومحتوياتها، يعني مثلا لو "بيت" فـ شركة التأمين بتحدد قيمته وعلى أساسها بيتحدد المبلغ اللى هيدفع لو هتعوض المؤمن له فى حالة الإصلاح، أو الاستبدال بسكن تانى أو التعويض النقدي.
• شركة التأمين مش بتتحمل أي خساير فى حالة أن المؤمن له أو حد من أسرته أو المقيمين في المبنى اشترك فى حالة السرقة أو الحريق.

  احصل على تأمين المنزل دلوقتي من خلال فايدتي من مكانك!

نسبة التغطية التأمينية بتتحدد على حسب قيمة الحاجة اللي بيتأمن عليها ومحتوياتها

2- التأمين على الحياة:

 وده تانى نوع من التأمين اللي هنتكلم عليه، ومعناه أن الشخص بيطلب يتأمن على شخصه من شركة التأمين.

واللي بيتقسم لـ نوعين،

التأمين على الحياة فقط:

الشركة بتدفع المبلغ اللى اتكتب فى وثيقة التأمين للورثة أو المستفيدين اللى اختارهم المؤمن عليه فى حالة وفاة صاحب البوليصة، وصاحب البوليصة ملزم في حياته أنه يدفع لـ شركة التأمين مبلغ من المال فى شكل اشتراكات أو أقساط شهرية أو ممكن يختار دفع المبلغ كله دفعة واحدة.

التأمين على الحياة والادخار:

في النوع ده شركة التأمين بتدفع في حالة وفاة صاحب البوليصة قبل سن الـ65 المبلغ اللى اتكتب فى وثيقة التأمين للورثة أو المستفيدين اللى اختارهم المؤمن عليه، يـ أما بتدفع لصاحب البوليصة نفسه المبلغ فى حالة انه وصل لـ سن الـ 65 وده بيعتبر جزء من المعاش.