10 معلومات عن محطة عدلي منصور: أسعار تذاكر القطار الكهربائي

افتتح الرئيس عبد الفتاح السيسي النهاردة، الأحد 3 يوليو، القطار الكهربائي الخفيف، واللي بيبدأ من محطة عدلي منصور وبيوصل لمدينة الفنون والثقافة في العاصمة الإدارية.

فايدتي هتقولك معلومات كتير تهمك عن محطة عدلي منصور وأسعار التذاكر والقطار الكهربائي الخفيف LRT هيمر بمحطات ايه بالظبط.

اتفرج على الفيديو دا واعرف معلومات أكتر عن المحطة والقطار من هنا

أسعار التذاكر هتكون بكام؟

• ١٥ جنيه للـ٣ محطات.
• ٢٠ جنيه للـ٥ محطات.
• ٢٥ جنيه للـ٧ محطات.
• ٣٥ جنيه للـ٩ محطات.

ايه المحطات اللي هيمر بيها القطار الكهربائي الخفيف LRT؟

• عدلي منصور.
• العبور.
• المستقبل.
• الشروق.
• هيليوبوليس الجديدة.
• بدر.
• الروبيكي.
• مدينة المعرفة.
• حدائق العاصمة.
• مطار العاصمة.
• مدينة الفنون والثقافة (العاصمة الإدارية).

معلومات عن محطة عدلي منصور

• محطة عدلي منصور محطة تبادلية، وتُعتبر أكبر محطة في الشرق الأوسط.
• مساحة محطة عدلي منصور 15 فدان.
• المحطة بتعتبر مجمع نقل متكامل الخدمات ومنطقة استثمارية.
• يتم في المحطة تبادل الخدمة بين وسائل النقل الحديثة، وهي Metro الخط الثالث  لمترو الأنفاق (العتبة - عدلي منصور)  وتشغيل تجريبي من العتبه للكيت كات.

محطات القطار الكهربائي الخفيف LRT

LRT   القطار الكهربائي الخفيف من محطة عدلي منصور حتى محطة مدينة الفنون (العاصمة الادارية الجديدة).

• ENR  خط سكة حديد القاهرة /السويس.
• SuperJet  محطة السوبر جيت.
• BRT محطة الأتوبيس الترددي.

موقع محطة عدلي منصور

• يحدها  من الشمال طريق مصر الإسماعيلية والطريق الدائري.
• يحدها من الجنوب ورش إصلاح الخط الثالث.
• يحدها شرقًا الطريق الدائري.
• ويحدها غربًا أرض ملك الطيران المدني.

 البوابة الرئيسية للمحطة

• محطة عدلي منصور بتتكون من بوابة رئيسية بأبعاد ٩١م وارتفاع ١٩م.
• فيها المكاتب الإدارية والفنية الخاصة لخدمة المحطة.
• تتكون أيضًا من مظلة معدنية ويعلوها شرائح من الألومنيوم والزجاج المقاوم للعوامل الحديثة.
• تحتوي على ٣ محطات بمساحة ٣٧٠٠م ومحطة القطار (العاشر - السلام - العاصمة) بمساحة ٦٤٠٠م ومحطة السكة الحديد (القاهرة – السويس) بمساحة ٦٢٠٠م.
• بتتكون محطة عدلي منصور من موقف أتوبيسات للمحافظات، وكذلك الأتوبيس الكهربائي الترددي إلى مطار القاهرة.

ساحات انتظار في محطة عدلي منصور

• تحتوي أيضًا على ساحات انتظار بكثافة ٤٠٠ سيارة.
• في كمان الموقف الترددي للأتوبيس المتجه إلى موقف السلام النموذجي للأقاليم.
• هتلاقي كمان مجموعة أنفاق مشاه لربط المناطق المختلفة بالمحطة الرئيسية بالإضافة إلى ٣ مخارج فرعية بأطوال أنفاق مشاه ٢٠٠ متر وتضم أيضًا طرق داخلية بطول ١٢٠٠م بالإضافة إلى مسطحات خضراء بمساحة ٣١ ألف متر مربع.

3 طوابق في المحطة

• محطة عدلي منصور بتتكون من ٣ طوابق بإجمالي مساحة بنائية ١٠ آلاف متر مربع.
• الطابق الأول يتكون من ١٢ شباك تذاكر واشتراكات، بالإضافة إلى ٢ ماكينة تذاكر أوتوماتيكية و٣٢ بوابة دخول و٢ جهاز كشف للمعادن.
• وتم تركيب جهاز قياس الحرارة للركاب بسعة ٣٠ راكب في المرة الواحدة بالإضافة أيضًا إلى ٤ سلالم متحركة للانتقال من الدور الأرضي إلى الدور الأول.
• تحتوي على ٢ مصعد لخدمة كبار السن وذوي الاحتياجات الخاصة كذلك تحتوي على مكاتب إدارية.

مكونات الأدوار في محطة عدلي منصور 

• الدور الأول يتكون من غرف التحكم وغرف القوي الكهربائية وغرف الاتصالات وغرف السيطرة على القطارات و٢ مصلى و٢ دورة مياه و٨ سلالم متحركة للانتقال إلى منسوب الرصيف.
• يتكون من ٣ سكك منهم سكتين لخدمة الخط الثالث، بالإضافة إلى سكة إضافية تستخدم لتخزين القطارات.
• تم السيطرة على المحطة بالكامل عن طريق ٦٥ كاميرات مراقبة داخلية وخارجية.