"قعدة القهوة بتعمل بطولات".. العب دومينو واكسب فلوس

ليك في الدومينو؟ بتلعب مع صحابك على القهوة أو بتحب تلعب أونلاين؟ طب ايه رأيك إنك دلوقتي هتقدر تلعب وتكسب كمان فلوس وممكن تتأهل لبطولة رسمية في كأس العالم.

العب دومينو واكسب فلوس في أول بطولة رسمية مع أكبر وأول بطولة للدومينو رسمية مؤهلة لكأس العالم، وهي عبارة عن بطولة الجمهورية الأولى في الدومينو بينظمها الاتحاد المصرى للألعاب الترفيهية.

سجل بياناتك للاشتراك في المسابقة من هنا

معلومات عن مسابقة الدومينو الأولى

بطولة الجمهورية الأولى في الدومينو الأمريكاني اللي بينظمها اتحاد الألعاب الترفيهية هتكون مؤهلة لبطوله العالم في الدومينو واللي هتتلعب في جمهوريه الدومينيكان فى شهر أكتوبر الجاي.

أما بطولة الدومينو اللي منظمها الاتحاد هتكون في 19/8/2022 في مركز التنمية الشبابية بالجزيرة.

شروط مسابقة الدومينو الرسمية

• يمنح المتسابق عضويه الاتحاد المصرى للألعاب الترفيهيه بمجرد سداد قيمه الاشتراك "350 جنيه" عضوية لمدة سنة كاملة لممارسة أنشطة الاتحاد والاشتراك فيها.
• وكل اللي هيتطلب منك صورة البطاقة وصورتين شخصيتين وتملى الاستمارة وتدفع الرسوم علشان تكون عضو في الاتحاد.
• سن المتقدم لا يقل عن 18 سنة.
• الأندية الرياضية ومراكز الشباب من حقها الانضمام للبطولة بفرق خاصة بيهم لاتقل عن 4 لاعبين لكل فريق بعد قيدهم بالاتحاد المصري للالعاب الترفيهية.

16 فائز..

جوايز مسابقة الدومينو الرسمية

• المراكز الأربعة الأولى هيتم منح شرف تمثيل جمهورية مصر العربية في بطولة العالم.
• يمنح الفائز بالمركز الخامس جائزة مالية قدرها 5000 جنيه مصري.
• يمنح الفائز بالمركز السادس جائزة ماليه قدرها 3000 جنيه مصري.
• يمنح الفائز بالمركز السابع جائزة مالية قدرها 2000 جنيه مصري.
• يمنح الفائزون من الثامن وحتى السادس عشر جائزه ماليه قدرها 1000جنيه.

الصفحة الرسمية لاتحاد الألعاب الترفيهية على فيسبوك من هنا

معلومات عن الاتحاد المصري للألعاب الترفيهية

• الاتحاد المصري للألعاب الترفيهية بقاله سنتين.
• فكرته إتاحة ممارسة الألعاب التراثية الترفيهية والرياضية اللي بتعتمد في الأساس على قدر من الذكاء والقدره علي تغيير الخطط وفقا للموقف .
• العمل علي جذب أكبر عدد من فئات الشعب المختلفه بفئاتها العمرية المختلفه لممارسة الألعاب الذهنية والرياضية تحت مظلة الاتحاد، واللي بتؤهل للمشاركه في البطولات المحلية والقارية والدولية والعربية.
• إتاحة الفرصة لذوي الهمم لممارسة النشاط داخل الإتحاد ودمجهم مع الأسوياء.

ايه هي الألعاب اللي بيقدمها الاتحاد؟

• طاولة الزهر بمختلف أنواعها ــ دومينوز ــ ليدوــ تك بول ــ فوت فولي ـــ كورف بول).
• وممكن كمان يتضاف ألعاب تانية من خلال مجلس إداره الإتحاد.

اعرف أكتر عن الاتحاد المصري للألعاب الترفيهية من هنا

بيانات التواصل مع الاتحاد

• العنوان: 10 شارع ناصر الثورة شارع الهرم الجيزة الدور الأول
• موبايل للتواصل تليفونيًا أو واتساب: 01205889823
• مواعيد العمل: طول أيام الأسبوع عدا يوم الجمعة.