هتدفع كام لو هتجيب عربية من الخارج معفاة من الجمارك؟

في الأيام الأخيرة صدر قانون بإن سيارات الركوب الخاصة المغتربين من الخارج معفاة من الجمارك، لكن في أسئلة كتير جدًا ازاي هيتم حساب الضرايب على العربية، في المقال دا هنقولك ازاي تحسبها بالمللي.

دي تصريحات قالها الدكتور مجدي عبد العزيز، مستشار وزير المالية لشؤون الجمارك السابق، يوم الثلاثاء 18 أكتوبر 2022، في برنامج "يحدث في مصر"، على قناة "إم بي سي مصر".

اعرف أكتر عن سيارات المغتربين اللي هيتم إعفائها من الجمارك من هنا: شروط استيراد سيارة من الخارج للمغتربين معفاة من الجمارك

سيارات المغتربين معفاة من الجمارك

3 أنواع من السيارات:

النوع الأول: 

• 1600 سي سي.
• الجمارك الخاصة بها 40% و1% ضريبة جدول.
• 14 % ضريبة قيمة مضافة.
• 3% رسم التنمية.

اعرف كمان عن أسعار سيارات المعاقين المعفاة من الجمارك من هنا: اسعار سيارات المعاقين في مصر بعد الغاء الجمارك 2022

النوع الثاني:

• السيارات الفئة فوق 1600 سي سي حتى 200 سي سي.
• الجمارك الخاصة بها 135%.
• 15% ضريبة جدول.
• 14% قيمة مضافة.
• 5% رسم التنمية.

مأمن على عربيتك ولا لسه؟ اعرف أكتر عن تأمين السيارات وأفضل العروض، وكمان تقدر تقارن وتقرر وتأمن من مكانك من هنا

النوع التالت:

• السيارات أعلى من 2000 سي سي.
• الجمارك الخاص بها 135%.
• 30% ضريبة جدول.
• 14% قيمة مضافة.
• 8.5% رسم تنمية.

جداول على موقع وزارة المالية

خلي بالك كمان إن في جداول تعد للسيارات على موقع وزارة المالية لمعرفة الشريحة اللي هيدخل فيها المواطن المقيم في الخارج والتسجيل على الموقع بمنتهى السهولة للدخول في المبادرة.

ولو العربية خارجة من بلد المنشأ الأوروبي هيتم إعفاؤها من الضريبة الجمركية بس، ولكن يتم تحصيل الضريبة المضافة وضريبة الجدول ورسم التنمية.

الجمارك على السيارات المستعملة

• وبالنسبة للسيارات المستعملة هيتم حذف 10 % أول سنة من قيمتها.
• لو كانت مستعملة لمدة عامين يتم خصم 15%.
• ولوكانت مستعملة لمدة 3 سنين هيتم خصم 20% ثم يتم احتساب قيمة الجمارك العادية.

بننصحك تشوف الفيديو دا علشان تعرف معلومات أكتر عن سيارات المغتربين المعفاة من الجمارك من هنا