مرتبات أبريل 2022 هتتصرف يوم 20 للجهات دي

بعد أسبوعين من دلوقتي هيتم صرف مرتبات أبريل 2022 للعمال في 66 وزارة وجهة وإدارة حكومية كل دا جنب الزيادات والعلاوات اللي أقرتها الحكومة في شهر يناير 2022 بتكليف الرئيس السيسي.

فايدتي هتقولك ايه هي الجهات اللي هتصرف مرتبات أبريل 2022 للموظفين فيها على مدار 4 أيام زي ما أعلنت وزارة المالية نهاية شهر فبراير اللي فات.

بمناسبة كلامنا عن المرتب: 5 عادات يومية سهل تستغنى عنها بتخلص مرتبك في نص الشهر

ليه مرتبات شهر أبريل 2022 هتتصرف بدري للحكومة؟

موعد مرتبات أبريل 2022 هتتصرف بدري بداية من يوم 20 أبريل نظرًا للأزمة الاقتصادية اللي حاصلة عن الحرب الروسية في أوكرانيا واللي أثرت على الاقتصاد بشكل كبير بداية من 24 فبراير اللي فات.

صرف مرتبات أبريل 2022 يوم 20 أبريل 

بداية من يوم الأربعاء 20 أبريل 2022 هيتم صرف مرتبات أبريل في 33 وزارة وجهة أبرزها: 

"الداخلية والإسكان والصحة وقطاع الأعمال العام والتنمية المحلية والتجارة والصناعة والتضامن الاجتماعي والري والموارد المائية والزراعة والتعاون الدولي والهجرة وشؤون المصريين العاملين بالخارج".

كمان هيتم صرف مرتبات أبريل 2022 يوم الخميس 21 أبريل:

هيتم صرف مرتبات أبريل 2022 يوم 21 لـ 33 جهة حكومية أبرزها:

هيئة الرقابة المالية والهيئة العامة للاستثمار والهيئة العامة للرقابة على الصادات والواردات وهيئة الرقابة الإدارية إضافةً إلى الجهاز المركزي للتعبئة والإحصاء والجهاز المركزي للتنظيم والإدارة والجهاز المركزي للمحاسبات. 

وبعدها هتستكمل وزارة المالية صرف مرتبات شهر أبريل 2022 يوم الثلاثاء 26 أبريل والأربعاء 27 أبريل لكل العاملين بالوزارات والجهات الأخرى.

زيادة الأجور والعلاوات الدورية

فايدتي بتفكرك إن مجلس الوزراء كان أقر زيادة الأجور وصرف علاوات دورية للعاملين المخاطبين وغير المخاطبين بقانون الخدمة المدنية مع زيادة الحد الأدنى للأجور من 2400 إلى 2700 جنيه.

وهيتم تطبيق الزيادات في بداية العام المالي الجديد في يوليو .

تعرف مراتك مرتبك ولا لا؟ اعرف أكتر من هنا: 5 أسباب تخليك تعرف مراتك مرتبك: هتخلي قلبها عليك