غرامة عدم تركيب الملصق الإلكتروني: الأوراق المطلوبة والسعر

في نهاية 2021 وزارة الداخلية قررت إنها تفعل عقوبات على عدم تركيب الملصق الإلكتروني، واللي تم اعتماده في قانون المرور من سبتمبر 2021، وكمان ناشدت أصحاب السيارات بالتوجه لوحدات المرور لتركيبه.

"فايدتي" هتقولك أسعار تركيب الملصق الإلكتروني والأوراق المطلوبة علشان تحمي نفسك من الغرامات.

اعرف أكتر عن شراء لوحات السيارات من هنا: شراء لوحات سيارات من المرور مصر

سعر الملصق الإلكتروني

لو متعرفش خلينا نقولك إن إجمالي تكلفة تركيب الملصق الإلكتروني 95 جنيه، وتشمل الأسعار 75 جنيه ثمن الملصق الإلكتروني، و20 جنيه للرخصة.

شروط استخراج الملصق الإلكتروني للسيارات والأوراق المطلوبة

• تكون رخصة السيارة سارية.
• تواجد السيارة حتى يتمكن رجال المرور من تركيب الملصق الإلكتروني عليها وتفعيله.
• صورة من بطاقة الرقم القومي والرخصة.

هل تركيب الملصق مرتبط بموعد ترخيص العربية؟

خلي بالك تركيب الملصق مش مرتبط بموعد ترخيص السيارات، ومالك العربية لازم يتجه إلى وحدة المرور التابع لها لاستخراج الملصق، واستخدامه بشكل فوري دون الحاجة للانتظار لموعد ترخيص المركبة.

غرامة عدم تركيب الملصق الإلكتروني ماتقلش عن 300 جنيه ولا تزيد عن 1500 جنيه.

ازاي تقدم إلكترونيا علشان تحصل على الملصق الإلكتروني؟

وزارة الداخلية أتاحت لقائدي السيارات خدمة التقديم الإلكتروني اللي تمكن مالكي المركبات ذات التراخيص السارية بكافة أنواعها من طلب تركيب ملصق إلكتروني وسداد الرسوم المطلوبة إلكترونيًا من خلال موقع بوابة مرور مصر.

لكن لازم يتم تسليم الرخصة القديمة والحصول على الرخصة الجديدة المدون بها عبارة ذات ملصق إلكتروني، واستلام الملصق الإلكتروني، وتركيبه على المركبة بمعرفة المختصين بوحدة المرور عن طريق شباك واحد فقط.

احصل على تأمين عربيتك دلوقتي من مكانك من هنا

علشان تقدم على الملصق الإلكتروني على النت اعمل كدا:

سجل البيانات الخاصة بالمواطن عن طريق الموقع الرسمى لوزارة الداخلية من هنا أو ادخل مباشرة على بوابة  مرور مصر من هنا

• بعدها هتختار اختيار خدمات المركبات.
• خدمة سداد رسوم إصدار الملصق الإلكترونى.
• سداد رسوم الخدمة المطلوبة.

اعرف أكتر عن غرامات عدم تركيب الملصق الإلكتروني

• هتتسحب من الرخص لمدة لا تقل عن شهر ولا تزيد عن 3 أشهر.
• الحبس مدة لا تزيد على ستة أشهر.
• غرامة ماتقلش عن 300 جنيه ولا تزيد عن 1500 جنيه.
• حسب قانون المرور ممكن تتعرض في حالة عدم تركيب الملصق الإلكتروني لواحدة من العقوبات دي: الحبس والغرامة.