شروط مبادرة التمويل العقاري الـ 3% و8% والمعاشات، يناير 2022

خلال الفترة الجاية صندوق ضمان ودعم نشاط التمويل العقاري، هيطرح وحدات سكنية كاملة التشطيب، وهتكون جاهزة للتسليم وبيدخل معظمها ضمن مبادرة التمويل العقاري، المبادرة الرئاسية للتمويل العقاري بفايدة 3% وكمان هيكون متاح وحدات في مبادرة الـ 8%.

شروط استلام قرض مبادرة التمويل عقاري بفايدة 3% أو 8%، سواء لمحدودي الدخل ومتوسطي الدخل، وكمان شروط مبادرة التمويل العقاري لأصحاب المعاشات:

1-   قرض مبادرة التمويل العقاري بفايدة سنوية متناقصة 3%

·       قيمة القرض: من 350 ألف جنيه لـ 1.1 مليون جنيه وتصل لـ 1.4 مليون جنيه بشرط تكون كاملة التشطيب.

·       السن: من 21 سنة  لـ 60 سنة ، وكمان بالنسبة لأصحاب المعاشات لغاية سن 75 سنة.

·       الدخل الشهري: من 4,500 إلى 10 آلاف جنيه كحد أقصى للأعزب، وميزدش عن 14 ألف جنيه للمتزوج.

·       مدة التمويل: بتوصل لـ 30 سنة بشرط مايزدش عمره عن 60 سنة عند سداد آخر قسط من القرض.

مقدمة الوحدة السكنية في مبادرة التمويل العقاري:

·       يتم سداد 15% كحد أدنى من إجمالي الوحدة السكنية اللي ماتزيدش عن 1.1 مليون جنيه.

·       أو سداد 20% من إجمالي الوحدة السكنية التي ماتزيدش عن 1.4 مليون جنيه.

الشروط اللي لازم تتوفر في شريحة محدودي الدخل قبل التقدم للحجز:

·       الدخل الشهري: من 1,500 جنيه كحد أدنى بشرط ميزدش على 4,500 جنيه للأعزب و6 آلاف جنيه للمتزوج.

·       ألا يكون قد حصل على وحدة سكنية في مبادرات سابقة أو زوجته.

·       السن: من 21 سنة لـ 60 سنة كحد أقصى، أما أصحاب المعاشات فيصل إلى 75 سنة.

·       مقدمة حجز الوحدة: تسديد العميل نسبة 10% من إجمالي قيمة الوحدة السكنية كحد أدني، أما أصحاب المعاشات فـ ملتزمين بسداد 40 % كحد أدنى من إجمالي قيمة الوحدة.

·       خطاب معتمد من جهة العمل بإجمالي الدخل الشهري لأصحاب المهن الحرة، أو برنت تأمين للموظفين.

·       يحصل على وحدة سكنية في نفس المحافظة المقيم بها وليس في محافظة أخرى باعتبار الهدف الأساسي منها للمعيشة الدائمة وليس الاستثمار.

لو دخلك الشهري من 4.500 جنيه ل40 ألف جنيه وعازب تقدر تستفاد من مبادرة الـ 8%

2-   مبادرة التمويل العقاري بفايدة سنوية متناقصة 8%

·       الدخل الشهري: من 4,500 جنيه إلى 40 ألف جنيه للأعزب وميزدش عن 50 ألف جنيه للمتزوج وهو ما يتيح دخول شرائح جديدة لأصحاب الدخول المرتفعة.

·       السن: من 21 سنة إلى 60 سنة.

·       قيمة القرض: يصل إلى 2.5 مليون جنيه كحد أقصى.

·       مدة التمويل: تصل إلى 25 سنة بشرط ميزدش سن العميل عن 60 سنة عند سداد آخر قسط.

·       المقدمة اللي بيتحملها العميل من قيمة الوحدة في مبادرة التمويل العقاري: سداد مقدمة 20% من إجمالي قيمة الوحدة السكنية.

أما لو عاوز تشتري وحدة بره مشروعات الحكومة لازم الشروط دي تتوفر:

·       يكون العقار مرخص.

·       تكون الأرض المقام عليها العقار مسجلة أو الوحدة مسجلة.

·       تكون الشقة مسجلة أو قابلة للتسجيل.

·       يكون صاحب العقار على علم بنظام التمويل العقارى.

·       يتم سداد مبلغ 10% مقدم للحجز.

3-   مبادرة التمويل العقاري لأصحاب المعاشات

أصحاب المعاشات من حقهم يستفيدوا من مبادرة التمويل العقاري لكن شرط أساسي سداد 40% بحد أدنى من قيمة الوحدة كدفعة مقدمة، وعمر العميل ميتعداش في نهاية قرض مبادرة التمويل العقاري 75 سنة.

ومن ضمن شروط مبادرة التمويل العقاري يتم تحويل المعاش للجهة الممولة علشان يستفيد صاحب المعاش، من الحصول على وحدة بمبادرة التمويل العقاري.

اعرف تفاصيل أكتر عن إمكانية استفادة أصحاب المعاشات من مبادرة التمويل العقاري من هنا، اخر اخبار وتحديثات مبادرة التمويل العقاري يناير 2022