شروط استيراد سيارة من الخارج للمغتربين معفاة من الجمارك

ايه هي شروط استيراد سيارات للمغتربين معفاة من الجمارك؟ وهيتم تفعيل القرار من امتى؟ من أكتر الأسئلة اللي بتتسأل حاليًا بعد ما الحكومة وافقت، يوم الأربعاء 12 أكتوبر 2022، على مشروع قانون بيدي الحق للمصريين العاملين بالخارج، إنهم يستوردوا سيارة ركوب خاصة.

وقانون سيارات بدون جمارك من ضمن شروطه إن العربية تكون للاستعمال الشخصي بس وهيتم إعفائها من الضرائب والرسوم، مقابل سداد مبلغ نقدي بالعملة الصعبة، سيتم استرداده بدون عوائد بعد 5 سنوات.

اعرف كمان عن أسعار سيارات المعاقين المعفاة من الجمارك من هنا: اسعار سيارات المعاقين في مصر بعد الغاء الجمارك 2022

فوائد قرار سيارات بدون جمارك

المساهمة في زيادة عائدات البلاد من العملة الصعبة اللي بتعاني منها مصر في الفترة الأخيرة.

مصر هتستفيد بـ 5 مليار دولار!

عدد المصريين في الخارج مابين 8 و10 ملايين شخص، وبافتراض أن 5 % منهم فقط استخدموا الآلية الجديدة دي الخاصة باستيراد سيارة الركوب، وكان مبلغ الوديعة النقدية في حدود 10 آلاف دولار. 

ودا مبلغ صغير وتقريبي نسبة إلى ثمن السيارة وقيمة الجمارك اللي كانت هتتفرض على العربية، بالشكل دا الحصيلة هتكون ما بين 2 إلى 5 مليارات دولار في حال نجاحها.

ايه المخاوف من تطبيق قانون سيارات المغتربين بدون جمارك؟

• ممكن تتحويل طريقة السيارات المعفاة من الجمارك دي لوسيلة تربح للمصريين في الخارج.
• والسبب هيكون نتيجة الفارق السعري الكبير بين سعر السيارات في الخارج وسعرها داخل مصر.

اعرف أكتر يعني ايه جمارك من هنا: اعرف يعني ايه جمارك وايه الهدف منها وامتى تحاسب عليها؟

شروط استيراد سيارات معفاة من الجمارك

من حق كل مصري ليه إقامة سارية خارج البلد إنه يستورد سيارة خاصة واحدة لاستعماله الشخص معفاة من الضرائب والرسوم اللي كان بيدفعها قبل كدا جمارك علشان يدخل بيها مصر، ومن ضمن الرسوم دي الضريبة على القيمة المضافة وضريبة الجدول.

علشان تستفاد من موضوع السيارات اللي بدون جمارك كل اللي عليك إنك تسدد مبلغ نقدي بالعملة الأجنبية، لا يستحق عليه عائد بما يعادل 100% من قيمة جميع الرسوم والضرائب اللي كنت لازم تدفعها قبل كدا علشان يتم الإفراج عن السيارة.

هتحول المبلغ من الخارج لصالح وزارة المالية على أحد الحسابات اللي هيتم تحديدها.

هيتم استرداد المبلغ النقدي اللي تم تحويله لوزارة المالية، بعد مرور خمس سنوات من تاريخ السداد، بما يعادله بالجنيه المصري، بسعر الصرف المعلن وقت الاسترداد.

من شروط سيارات بدون جمارك أن يكون للشخص إقامة قانونية سارية خارج البلاد، في تاريخ سداد المبلغ النقدي المنصوص عليه.

سن المستفيد من قانون سيارات المغتربين المعفاة من الجمارك..

يشترط أن يبلغ سن المستفيد من القانون 16 سنة كاملة على الأقل، وأن يكون له حساب بنكي في الخارج مضى على فتحه 3 أشهر على الأقل لكن مشروع القانون استثنى من الشرط دا زوج المصري المقيم بالخارج وأبناؤه، متى توافرت بشأنهم باقي الشروط.

بس خلي بالك إنه في حال كانت السيارة اللي هيتم استيرادها من غير المالك الأول، فيجب ألا يزيد عمرها في تاريخ العمل بالقانون دا على 3 سنوات من سنة الصنع.

مأمن على عربيتك ولا لسع؟ قارن دلوقتي بين أفضل عروض التأمين على السيارات من هنا

امتى هيتم تفعيل قانون استيراد سيارات المغتربين؟

مجلس الوزراء هيصدر خلال أسبوعين، القرار المنفذ لأحكامه، وهيكون مرفق بيه جداول بقيم المبالغ النقدية، ونوع العملة الأجنبية واجبة السداد، موزعة بحسب أنواع وفئات السيارات ومنشأها.

وبيُشترط للاستفادة من القانون دا، تحويل المبلغ النقدي المنصوص عليه، خلال مدة لا تتجاوز 4 أشهر من تاريخ العمل بالقرار التنفيذي.

لو عاوز تستفيد من قانون سيارات المغتربين بدون جمارك..

هتسجل بياناتك، وبيانات السيارة المطلوب استيرادها، وهتسدد المبلغ النقدي المنصوص عليه، وبعدها هتحصل على موافقة استيرادية تثبت تمام السداد وبيانات السيارة.

والموافقة دي هتكون صالحة لإتمام إجراءات الاستيراد والإفراج عن السيارة المستوردة لمدة عام ميلادي من تاريخ صدورها.

خلي بالك..

لكن في حالة عدم إتمام الاستيراد خلال مدة العام، يُسترد المبلغ النقدي السابق سداده فورًا، بنفس القيمة والعملة المسدد بها، بدون عائد.