جدري القرود: كل اللي محتاج تعرفه عن المرض والمصل

كلنا سمعنا عن جدري القرود و انتشاره في الفترة الأخيرة ولسه في بلاد كتير بتسجل حالات إصابه ووافيات، جدري القرود منتشرفي غرب ووسط أفريقيا وبردو بيوصل لقارات تانيه بس نادرًا ما يحدث، ووزارة الصحة أكدت إنها بتتابع حالات الإصابه بالمرض وتم اكتشاف حالة في بداية شهر سبتمبر 2022. 

ايه هو جدري القرود 

 هو مرض شبه الجدري العادي وتقريبًا نفس الأعراض لكنه أقل انتشارًا، وتم اكتشاف المرض سنة 1958  لما شافوا كل أعراض الجدري منتشره بين مستعمرات القرود اللي بيعملوا عليها بحث ولغايه دلوقتي المرض مجهول مصدره. 

و تم تسجيل أول حالة إصابة جدري القرود سنه 1970 و دا كان قبل ما ينتشر المرض في2022 

ايه هي أهم أعراض جدري القرود ؟

المصاب بجدري القرود هيظهر عليه المرض بعد التعرض للفيروس بأسبوعين أو ٣ و يظهر علي جسمه علامات طفح جلدي تشبه البثور أو الحبوب و ساعات ممكن يحس فيها بحكه.

و بتظهر علي منطقه الأعضاء التناسلية أو قريب منها أو فتحه الشرج وممكن يظهر بردوا علي في اماكن تانيه زي الايدين او الوجه او الفم او الصدر 

و في حاجات تانيه بتدل ان الشخص دا مصاب بجدري القرود زي 

• الحمي
• قشعريره
• تورم الغدد الليمفاوية
• انهاك
• صداع
• الام في العضلات و الظهر
• اعراض الجهاز التنفسي زي الاحتقان و الكحه
• في اشخاص بتصاب ببرد و الطفح عاده بيظهر بعدها ب 3 او 4 ايام

بمناسبة كلامنا عن الأوبئة العالمية ماتنساش إن كورونا لسه موجودة ونقدر نستفاد منها كمان اعرف أكتر من هنا: 5 دروس في ادارة الاعمال من فيروس كورونا

ازاي تتجنب الاصابه من جدري القرود ؟         

و بما ان المرض دا  مرض جلدي ف من اهم الملاحظات لتجنب المرض هي

• تجنب الملامسات الجلديه المباشره
• منع مشاركه الاغراض الشخصيه زي الهدوم والملايات و الفوط الشخصيه
• التواصل عن قرب اوان تتنفس وجها لوجه
• الابتعاد عن الممارسه الجنسيه الغير امنه
• في حالة الحمل فان الام تنقل العدوي الي الجنين عن طريق المشيمه
• التعامل مع حيوانك الاليف يصيبه بالعدوي او يصيبك بالعدوي لان الحيوانات تصاب بجدري القرود

هل فيه لقاح أو علاج لجدري القرود؟

 الحقيقه ان لغايه دلوقتي مفيش علاج واضح للمرض بس شغالين علي ابحاث لتطويرالعلاج المستخدم للجدري العادي لاستخدامه علي مريض جدري القرود و دا بسبب تشابهه اعراض المرضيين 

و الحكومه الامريكيه عندها نوعين من القاح

•  JYNNEOS vaccine
• ACAM2000 vaccine.