ايه هو البلاك/الوايت فرايداي؟ وتشتري ايه فيه؟

فى اخر ١٠ سنين بدأ يظهر مصطلح البلاك فرايداي Black Friday في الوطن العربي، وانتشر بسرعة غريبة وكمان بقي له اكتر من مسمى زي الـ وايت فرايداي White Friday والجمعة البيضاء عشان التشاؤم من الأسود عند العرب، فياتري سمعت عنه قبل كده؟

إيه هو البلاك فرايداي؟ 

أكيد سمعت عنه لأنه أشهر يوم للشوبينج فى السنة بيكون فيه تخفيضات على مستوى العالم وعلى كل المنتجات، معاده هو آخر جمعة من شهر نوفمبر، واللي هتوافق ٢٧ نوفمبر السنة دى، وفى مواقع شوبينج كتير زي جوميا و فاليو بيبتدوا الخصومات من أول الشهر، وفي مواقع تانية بتكتفي بالعروض فى اخر اسبوع من نوفمبر زي سوق اللي هيبدأ خصوماته من يوم ٢٣ نوفمبر ولاخر الشهر وبدأ بعرض جزء بسيط من دلوقتي.

اشتري ايه في البلاك فرايداي؟

اعلانات الخصومات ابتدأت تملأ الشوارع والتلفزيون والراديو والانترنت طبعا ودى دليل أنك هتقدر تشتري كل حاجة حرفيا فى البلاك فرايداي، من ملابس وادوات كهربائية وأثاث وكمان اكل عشان فى بعض السوبر ماركات الكبيرة بتشارك فيه بخصومات على كل منتجاتها.فلو بتجهز بيتك الجديد أو عندك اطفال محتاجين حاجات كتير، أو حتي لو صاحب شركة ومكتبك محتاج أدوات وآلات كهربائية غالية، دي فرصتك عشان تجيب كل اللي محتاجه بأرخص الأسعار. الحلو كمان فى الفترة دى انه مش مقتصر على الشراء أونلاين أو فى المحلات لأنه موجود فى كل مكان، وإن كان يفضل فى الظروف اللي العالم كله فيها انك تتجنب النزول فى الأماكن الزحمة، وتلجأ للأونلاين، وده هتلاقيه متوفر بسهولة مع أشهر مواقع الشوبينج زي سوق Souq، جوميا Jumia، ونون Noon، و كارفور Carrefour، وفاليو Valu، ومواقع تانية كتير. 

بسهولة تقدر تطلع كريديت كارد وتستخدمها مع عروض البلاك فرايداي اللي عجباك

معيش سيولة، الوايت فرايداي هايفوتني!

فى كتير مننا بينسوا ميعاد الوايت فرايداي و بيصرفوا المرتب قبل الخصومات، أو بيكون عندهم التزامات تانية محتاجة سيولة، بس كل ده ميمنعكش من الشراء في البلاك فرايداي لأنك تقدر بسهولة تطلع كريديت كارد وتستخدمها مع العروض اللي عجباك، وميزته أنك هتقدر تستخدمه مع الشوبينج أونلاين وفى المحلات كمان، ده غير ان فى بنوك بتدي عروض على الكريديت كارد بخصومات هتقدر تستفيد منها مجرد ما الكارت يبقى فى إيدك، وكمان هيسهل عليك الدفع الإلكتروني ومش هتضطر تلمس الكاش اللي بيتنقل من إيد لإيد.

إيه هو الكريديت كارد؟

ال Credit Card  أو كروت الإئتمان هى كروت مش مرتبطة بحساب بنكي معين، بتقدر تسحب منها أي مبلغ لدفع حسابك وبيتحول لدين عليك بتسدده خلال فترة معينة بتختلف من بنك للتاني، ودي اسمها فترة السماح وبتبقي مابين ٤٥ يوم ل ٥٨ يوم، وبيطلع لك فوايد على المبلغ اللي استلفته بس فى حالة انك اتاخرت فى السداد فى فترة السماح. ميزته انك بتقدر تتعامل بيه في أي مكان فيه ماكنة دفع POS وكمان بتقدر تحاسب بيه أونلاين وتستخدمه فى المعاملات المالية جوا وبره مصر.

ازاي اطلع كريديت كارد؟

الموضوع سهل وبسيط، هتدخل على  Faydety.com  وتدخل على صفحة بطاقات الائتمان و تدخل بياناتك عشان تعرف البنوك المناسبة ليك و تختار أنسب بنك لظروفك، وبعد ما تختار البنك فايدتي هتقولك على الأوراق اللي محتاجها عشان تقدم، ومش هيبقى فاضل غير مشوار سريع لأقرب فرع للبنك ومبروك عليك الكريديت كارد وكل عروض البلاك فرايداي اللي نفسك فيها.