المصروفات الدراسية 2022: أسعارها وشروط الحصول على الإعفاء

مع ارتفاع سعر الدولار وغلو الأسعار كلنا بدأنا نواجه صعوبة في أسعار مصاريف المدارس الجديدة بس وزارة التربية والتعليم أعلنت عن طرق جديدة لتقسيط مصاريف المدارس، اعرف أكتر مع فايدتي عن تفاصيل تقسيط المصروفات الدراسية للمدارس الحكومة والرسمية لغات والمتميز والفترات المتاحة للتقسيط.

المصروفات الدراسية للمدارس الحكومة والفنية:

• التسديد للطلاب من مرحلة رياض الأطفال وإلى الصف الخامس الابتدائي 305 جنيه.
• الصف السادس للثالث الإعدادي 205 جنيه.
• الصف الأول الثانوي 520 جنيه.
• الصف الثاني الثانوي إلى الصف الثالث الثانوي 505 جنيه.
• الصف الأول الثانوي الفني 220 جنيه، وباقي الصفوف 205 جنيه.

المصروفات للمدارس الرسمية للغات والمتميزة:

• أسعار المصروفات الدراسية لمرحلة رياضة الأطفال 1200 جنيه، و100 جنيه خدمات اللغات، و100 جنيه تطوير تكنولوجي ، إجمالي المصروفات 1400 جنيه.
• أسعار المصروفات الدراسية للمرحلة الابتدائية 1500 جنيه، و100 جنيه نشاط عام، و 100 تطوير تكنولوجي، إجمالي المصروفات 1700 جنيه.
• أسعار المصروفات الدراسية للمرحلة الثانوية 1800 جنيه، و100 جنيه نشاط عام، و 100 جنيه تطوير تكنولوجي، إجمالي المصروفات 2000 جنيه.

نظام تقسيط المصروفات الدراسية للمدارس الحكومة والتجربية والفنية:

تقدر تسدد المصروفات الدراسية  لكل المراحل التعليمية بالمدارس الحكومية على ثلاثة أقساط في حساب صندوق دعم وتمويل المشروعات التعليمية من خلال منافذ التحصيل الإلكتروني معها ومكتب البريد يكون القسط الأول في أول أكتوبر. 

والقسط الثاني أول يناير والقسط الثالث أول مارس مع زيادة الرسوم والغرامات والاشتراكات ومقابل الخدمات الإضافية. 

اعرف قروض المدارس من هنا: 9 بنوك بتقدم قروض المدارس والجامعات 2022: بتوصل لمليون جنيه

مواعيد أول قسط للمصروفات الدراسية:

هيتم فتح سيستم تقسيط المصروفات الدراسية بالنسبة للمدارس الرسمية والرسمية للغات للعام الدراسي 2022/2023 وتقدر كاولي أمر تدفع أول قسط من المصروفات الدراسية.

• القسط الأول هيكون في أول شهر أكتوبر بنسبة 50%، من إجمالي المصاريف.
• القسط التاني هيكون في أول شهر يناير بنسبة 30%، من إجمالي المصاريف.
• القسط التال تهيكون في أول شهر مارس بنسبة 20%، من إجمالي المصاريف.

بس برضوا مش كل الفئات تقدر تدفع المصاريف فاعشان كدا وزارة التربية والتعليم خليت فيه فئات معينة معفية من المصروفات الدراسية.

إيه هي الفئات المعفية من المصروفات الدراسية؟

• أبناء شهداء ثورة 25 يناير.
• أبناء الأسر المستفيدة من معاش تكافل وكرامة.
• الطلاب بدور رعاية والطلاب اليتامى.
• أبناء المرأة المعيلة.
• أبنا مصابي الثورة وطلاب مدارس حلايب وشلاتين.
• مدارس شمال سيناء.
• طلاب مدارس التربية الخاصة.
• أبناء الآباء المكفوفين.
• أبناء الآباء المفرج عنهم من السجون حديثًا.

وكمان وزارة التربية والتعليم عاملة تخفيض بنسبة 50% لأبناء العاملين بالتربية والتعليم خدمة ومعاش وكمان حالات الوفاة من خلال منافذ التحصيل الإلكتروني.

إيه الخطوات اللي المفروض نعملها عشان نحصل على الإعفاء من المصروفات الدراسية؟

• هتجيب خطاب من الجهة طالبة البحث بتفيد إجراء البحث الاجتماعي.
• يكون معاك البطاقة الشخصية أو العائلية لولي الأمر.
• هتجيب مستند رسمي بالدخل الشهري بتاعك أو دراسة حالة.
• تملئ استمارة البحث الاجتماعي للإعفاء من المصروفات الدراسية للعام الدراسي الجديد.
• هتجيب المستندات اللي بتدل على صحة البيانات الموجودة في استمارة البحث الاجتماعي.
• هتقديم الاستمارة إلى مكتب الشؤون الاجتماعية القريب من السكن بتاعك.
• لازم تحصل على ختم النسر وتوقيع مدير الوحدة الاجتماعية.
• وكمان تقديم شهادة البحث الاجتماعي إلى إدارة المدرسة اللي تبع الطالب.
• وبعد كدا هيتم قبول شهادة البحث الاجتماعي بعد تسليمها وإعفاء الطالب من المصروفات الدراسية للعام الدراسي الجديد.