ازاي تحسب التأمين الاجتماعي الخاص بيك بالورقة والقلم؟

واحد من أكتر الأسئلة اللي بتشغل كل الناس تقريبًا: هل أنا عندي تأمين اجتماعي؟ هل شغلي مأمن عليا اجتماعي وهحصل على معاش؟ طيب المعاش دا هيكون قد ايه؟ وأنت بتدفع كام وشركتك بتدفعلك كام في التأمينات؟

بتسأل نفسك كتير ازاي التأمين الاجتماعي "المعاش" بتاعي بيتحسب؟ هنقولك في المقال دا من فايدتي معلومات أكتر لازم تعرفها من الهيئة القومية للتأمين الاجتماعي.

كل اللي بيدور في دماغك فايدتي هتجاوبك عليه في خطوات بسيطة وأمثلة توضيحية كمان.

قبل ما نتكلم في تفاصيل تعرف معاشك ازاي، تقدر تعرف دلوقتي رقمك التأميني من هنا: ايه هي طريقة الاستعلام عن الرقم التامينى بالرقم القومى؟

ايه العوامل اللي بتأثر على قيمة المعاش؟

الهيئة القومية للتأمينات بتقولك إن قيمة المعاش بتتحدد على أساس حاجتين:

• أولها قيمة المرتب المشارك في نظام التأمينات.
• ثانيها مدة الاشتراك.

ولازم تعرف إن كل ما المرتب زاد، هيكون المعاش بتاعك أفضل، وكلما زادت مدة الاشتراك في نظام التأمينات تتحسن قيمة المعاش.

نظام التأمينات الاجتماعي الجديد

• في 1 يناير 2020 ومع بداية قانون المعاشات، أصبح الحد الأدنى 1000 جنيه.
• وفي كل شهر يناير من كل سنة جديدة بيتم زيادة الحد الأدنى في حدود الـ 15%.
• وفي يناير 2023 هيكون الحد الأدنى 1700 جنيه، والحد الأقصى 10 آلاف و900 جنيه.

كام مواطن متأمن عليه؟

• في حوالي 13.8 مليون مواطن مؤمن عليهم.
• أكثر من 70% من الرقم دا في القطاع الخاص.

وزي ما أعلنت هيئة التأمينات الاجتماعية إن في يناير 2023 هيتم تحديد الحدود الدنيا والقصوى الجديدة بحيث يكون المعاش مناسب للكل.

وخلال الفترة الأخيرة بتعليمات الرئيس السيسي تم تخصيص منحة استثنائية قيمتها 300 جنيه لأصحاب المعاشات والمستحقين عنهم.

كل الأسئلة اللي بتدور في بالك عن التأمين الاجتماعي هتلاقي الإجابة عليها هنا

ازاي تحسب قيمة معاشك في خطوات بسيطة؟

متوسط الأجر الأساسي= متوسط أجر الاشتراك عن الأجر خلال 24 شهر الأخيرة.

ولنفرض إن إجمالي أجر الاشتراك الأساسي خلال السنتين الأخيرتين= 19440 جنيه.

وبذلك يكون متوسط الأجر الأساسي= 19440 ÷ 24 = 810 جنيه.

وبفرض أن إجمالي مدة الإشتراك عن الأجر الأساسي= 30 سنة.

يكون المعاش= 810 × 30 × 1/45 = 540 جنيه.

ويضاف 25% بحد أقصي 35 جنيه.

وبالتالي إجمالي المعاش الأساسي والزيادة= 575 جنيه.

يعني ايه تأمين اجتماعي؟ تقدر تعرف من هنا تفاصيل أكتر: ما هو معنى التأمين الاجتماعي و تفاصيل نظامه فى مصر

يعني ايه متوسط الأجر المتغير؟

هو متوسط الأجور اللي أديت عنها الاشتراك عن هذا الأجر خلال كامل مدة الإشتراك الفعلي عنه. 

وبيضاف إلي هذا المتوسط 2% عن كل سنة كاملة من مدة الاشتراك الفعلي في هذا الأجر.

لكن لازم يكون في شرط ألا يجاوز المتوسط بعد الإضافة دي الحد الأقصي لأجر الاشتراك في هذا الأجر في تاريخ الإستحقاق.

عاوز تستخرج برنت تأمينات؟ اعرف الطريقة من هنا: استخراج برنت تأمينات 2022: الأوراق المطلوبة والسعر

مثال عن مدة الاشتراك الفعلي

لو الاشتراك الفعلي في الأجر المتغير 20 سنة، وإجمالي الأجور المشترك عنها خلال كامل مدة الاشتراك الفعلي في الأجر دا = 168000 جنيه.

هيكون المتوسط= 168000 ÷ 240 شهر = 700 جنيه.

يُضاف 2% عن كل سنة كاملة من مدة الاشتراك الفعلي في الأجر المتغير= 700 × 2% × 20 سنة = 280 جنيه، وبالتالي يصبح المتوسط 700 + 280 = 980 حنيه.

حيث الحد الأقصي لأجر الاشتراك المتغير = 900 جنيه، لذا يخفض المتوسط الي 900 جنيه.

مع مراعاة أنه يراعي الحد الأقصي المشار اليه في تاريخ تحقق واقعة الاستحقاق.

ويكون معاش الأجر المتغير = 900 × 20 ×1/45 = 400 جنيه، وبالتالي يكون جملة المعاش المستحق= 575 + 400= 975 جنيه.

ايه هي استقطاعات التأمين الاجتماعي من مرتبك؟

• هيئة التأمينات بتستقطع شهريًا نسبة من راتب الموظف لصالح اشتراك التأمينات.
• النسبة دي بتكون عبارة عن اشتراك يسدد الموظف جزءا منه وصاحب العمل الجزء الأخر.

قانون التأمينات بيقول ايه؟

قانون التأمينات بياخد نسبة اشتراك موحدة يدفعها الموظف سواء كان في القطاع الحكومي أو العام أو الخاص، بنسبة 11% من إجمالي أجر الاشتراك.

يعني خلينا نقولك إنه إذا كان الأجر الذي سيؤمن عليه الموظف هو 1200 جنيه وهي قيمة الأدنى لأجر الاشتراك التأميني الحالي شهريًا، يعني هذا أن الموظف سيدفع تأمينات شهرية تبلغ 132 جنيه.

وصاحب العمل بيسدد اشتراك عن الموظف شهريًا، حدده القانون بنسبة 17.25% من أجر الاشتراك للعاملين في الحكومة و18.25% للعاملين في القطاع العام و 18.75% للعاملين في القطاع الخاص.

اعرف أكتر عن الأنواع المختلفة من التأمينات زي تأمين السيارات وتأمين الحوادث الشخصية وتأمين المنازل اللي بتقدمها فايدتي من هنا