تمن ايفون ابل الحقيقي كام؟ أرخص مما تتخيل!

معظم رجال الأعمال والمشاهير والهاي كلاس بيستخدموا الايفون ومنتجات ابل عمومًا، ودا اللي بيخلي ناس كتير تنتظر اخر الإصدارات من الجهاز المشهور لكن تفتكر الايفون جهاز غالي علشان تمنه فيه فعلًا؟ طيب تكلفة صناعته بتكون قد ايه تقريبًا.

تقدر تعرف أكتر عن منتجات شركة ابل مصر زي Mac – iPad – iPhone – Watch – AirPods - TV والمنزل - iPod touch – AirTag من هنا

في مختبر ياباني متخصص في تفكيك الأجهزة فكك أيفون 12 برو I phone 12 pro ودي أسعار كل قطعة فيه تقريبًا:

السعر الحقيقي لـ  iphone 12 pro

• البروسيسور processor: بـ 40$ يعني حوالي 630 جنيه.
• الشاشة "اللي بتعملها الشركة المنافسة سامسونج" بـ 70$ يعني حوالي 1050 جنيه مصري.
• الجهاز الخاص بالـ 5G بـ 90 دولار يعني حوالي 1400 جنيه مصري.
• ذاكرة الرام 13 دولار يعني تقريبًا 200 جنيه مصري.
• يعني مجموعهم على بعض 213 دولار يعني حوالي 3350 جنيه مصري.

لو موبايلك اتسرق تعمل ايه اعرف أكتر من هنا: 6 نصايح لحماية حساباتك البنكية لو موبايلك اتسرق!

لكن برضو في حاجات تانية في الجهاز زي الديزاين وغيرها من التفاصيل والمعمل وصل إن التمن الفعلي لأيفون 12 برو 400$ يعني حوالي 6 آلاف جنيه مصري، والجهاز دا لما نزل مصر كان بـ 26 ألف جنيه.

يعني تمنه الحقيقي 6 آلاف جنيه وتمن بيعه للمستخدم 26 ألف جنيه: فيه 20 ألف جنيه فرق!

خلي بالك مش آبل بس اللي بتعمل كدا في شركات تانية كتير بتبيع منتجاتها بأسعار عالية لأن المستهلك بيدفع جزء من تمن الأبحاث اللي بتتكلفة الشركات وحسابات تانية كتير وغيرها من التكاليف.

أرباح شركة آبل في 2021

• 366 مليار دولار الايرادات السنوية لشركة ابل خلال 2021.
• إيردات المنتجات الأخرى وصلت لـ 8.79 مليار دولار.
• إيرادات ماك وصلت لـ 9.18 مليار دولار.
• إيرادات iPad وصلت لـ 8.25 مليار دولار.
• الإيرادات السنوية لشركة آبل ارتفعت للسنة المالية 2021 بنسبة 33% من عام 2020 إلى 366 مليار دولار.

اعرف أكتر عن أفضل الأبلكيشن اللي لازم تحملها على موبايلك من هنا: 10 ابلكيشن محتاج تنزلهم على موبايلك غير السوشيال ميديا